Færsluflokkur: Stjórnmál og samfélag

Brenglað lýðræði

Almenningur hefur akkúrat ekkert um það að segja hverjir verða í ríkisstjórn. Hann getur haft einhver mótandi áhrif en hefur ekkert um það að segja hvaða flokkar taka saman. Almenningur hefur heldur ekkert um það að segja hvaða málefnum er kastað fyrir róðann í málefnahrossakaupunum sem nú eiga sér stað.

Dæmi: B vill gera x og D vill gera y. 30% atkvæða D fengu þeir af því að þeir ætla að gera x en afþví að þeir ætla í stjórn með B ætla þeir að fórna x, sem er einmitt ástæðan fyrir stórum hluta fylgisins.

Þetta sáum við t.d. hjá síðustu ríkisstjórn þar sem annar flokkurinn vildi í ESB en hinn ekki. Þetta er brenglað lýðræði ef lýðræði skildi kalla. Afnema þarf 5% regluna og taka upp tvær umferðir. Þar mundu tveir stærstu flokkarnir fara í seinni umferð þannig að hreinn meirihluti fengist. Ef t.d. B fengi 60% í seinni umferð mundu 40% þingsæta skiptast á milli hinna flokkanna m.v. niðustöðurnar úr fyrri umferðinni. Þetta er hægt að útfæra á marga vegu t.d. með því að hver og einn kjósi fyrsta og annað val.

Vonandi fáum við raunverulegt lýðræði hérna einn daginn sem ekki er mótað af hagsmunum stærstu flokkanna.


mbl.is Formenn hittust á leynifundi
Tilkynna um óviðeigandi tengingu við frétt

Laffer kúrvan

Laffer kúrvan er fyrirbæri sem Steinhanna, Jógrímur og margir verslunareigendur þekkja ekki til. Með henni er sýnt fram á hvernig tekjur geta minnkað með of mikilli skatt- eða álagningu.

Hugmyndin er sú að með 0% sköttum eru engar skatttekjur, en það sama má segja ef það væri 100% skattur. Þá sæji fólk ekki ástæðu til að vera vinna myrkranna á milli án þess að bera neitt úr bítum. Einhverssaðar þarna á milli hámarkast innkoma af skatttekjunum. Ef þú ferð yfir toppinn minnka tekjurnar.

                                           

Hérna sjáum við að þegar ákveðnu óskilgreindu hámarki er náð fara tekjurnar að minnka aftur. Þetta er nákvæmlega það sem gerst hefur varðandi áfengi, bensín, skatta og ýmislegt fleira. Við sjáum töluverðan samdrátt í sölu við hverja hækkun. Þetta mega verslunareigendur, margir hverjir, taka til sín líka.

Það versta er að hugsjónalausu atvinnupólitíkusunum okkar er nákvæmlega sama og það síðasta sem þau gera er að lækka álagninguna því þá eru þau að viðurkenna að þeim skjátlaðist. Það er eitthvað sem kennt er í pólitík 101 að viðurkenna aldrei mistök, eða allavega kenna einhverjum öðrum um. Við munum því búa við þetta áfram, og sennilega munu þau auka álögurnar enn meira til að sporna við minnkandi tekjum. Þetta er sorglegt að horfa upp á.


mbl.is Ríkið hirðir 90% af Tindavodka
Tilkynna um óviðeigandi tengingu við frétt

Drullusokkar að sunnan.

Það er alltaf sama minnimáttarkreddan í Akureyringunum, og reyndar í landsbyggðarfólkinu yfir höfuð, gagnvart Reykjavík. "Jakkafataklæddir menn úr Reykjavík" já, hvaðan annarstaðar frá gæti djöfullinn komið, holdi klæddur til að glepja menn.

Annars minnir þetta mig á atvik sem gerðist fyrir nokkrum árum síðan. Ég var staddur í smáþorpi á Vestfjörðum vegna ákveðinnar kunnáttu sem ég bjó yfir. Meðan ég dvaldi þarna gékk ég undir nafninu SASarinn, eða Sérfræðingur Að Sunnan. Mér var einnig tjáð að ef verkið gengi ekki að óskum yrði ég kallaður DASarinn, eða Drullusokkur Að Sunnan. Mér fannst þetta auðvitað bara fyndið og þó aðallega vegna þessarar tilvitnunar til Reykjavíkur. Þetta er þó ekki eina tilfellið sem ég hef lent í. Á einum stað á sunnanverðum Austfjörðum fékk ég þvílíkan fúkorðaflauminn um Reykjavík og allt sem þar var, að ég gat ekki haldið aftur af mér og svaraði mönnunum fullum hálsi. En sem betur fer eru það þó yfirleitt bara þessi litlu skot eins og hann Ásbjörn er með sem maður lendir í.

En manngreyið á auðvitað alla mína samúð. Þessir drullusokkar að sunnan voru augljóslega ekki starfi sínu vaxnir frekar en aðrir svokallaðir bankamenn.


mbl.is Sögðu að lán til stofnfjárkaupa væru áhættulaus
Tilkynna um óviðeigandi tengingu við frétt

Tillaga að lausn Icesave.

Ég tel að við eigum að bjóða Rússa velkomna hingað. Leyfa þeim að byggja nokkur kafbátalægi, nokkrar herstöðvar og ratsjárstöðvar gegn því að þeir sjái um allar þær skuldir sem óreiðumennirnir (stjórnmálamenn og útrásavíkingar) skildu eftir sig. Fyrir það fyrsta að þá hafa Rússar alltaf reynst okkur vel og því yrði ég ekkert smeykur við veru þeirra hérna. Í öðru lagi að þá yrðu öðrum Evrópuþjóðum og Ameríkuhreppi svo mikið um að ég tel fullvíst að þessum skuldum yrði sópað undir borð hið snarasta og við sennilega beðin afsökunar á þessu veseni öllu í kringum Iceslave. En til að púlla eitthvað svona þarf hugaða pólitíkusa........ eini sem mér dettur í hug væri Davíð Oddson, burt séð frá því hvaða skoðanir menn svosem hafa á honum.


mbl.is Ekkert við frestinum að gera
Tilkynna um óviðeigandi tengingu við frétt

Minnisvarði um landráðamenn

Ég legg til að reistur verði minnisvarði með nöfnum þeirra þingmanna sem samþykktu þetta þegjandi og hljóðalaust. Ég segi þegjandi og hljóðalaust, því ekki hugnaðist þeim athuga dómstólaleiðina né að leyfa fólkinu sem þarf að borga þetta að hafa eitthvað um þetta að segja.

Þetta eru landráð í sinni skírustu mynd. Það skiptir engu máli þótt þessi upphæð sé aðeins 10% af heildarskuldunum, upphæðin, vextirnir og aðrir skilmálar sem settir voru einhliða af Bretum og Hollendingum vegna einstaklega óhæfrar samninganefndar okkar Íslendinga, eru algjörlega óásættanlegir.


mbl.is Alþingi samþykkti Icesave
Tilkynna um óviðeigandi tengingu við frétt

Bætt lýðræði

Við viljum kalla Ísland lýðræðisríki þar sem raddir ólíkra hópa heyrast þrátt fyrir að vera í minnihluta eða jafnvel á skjön við tíðarandann. Lýðræðið felst í því að við kjósum okkur fulltrúa á þing sem svo hugsa fyrir okkur og reka þjóðfélagið í okkar umboði. En lýðræðið sem við búum við er stórgallað og í raun ekki lýðræði nema upp að vissu marki. Við getum tekið sem dæmi ríkisstjórn Sjálfstæðis- og Framsóknarflokksins eftir kosningarnar 2003. Þar fékk Sjálfstæðisflokkurinn 33,7% atkvæða á meðan Framsóknarflokkurinn fékk 17,7%. Samt sem áður fékk Framsókn forsætiráðuneytið til tveggja ára og tæpan helming annara ráðuneyta og því spyr ég hvar lýðræðis gætir í þessu. Fleiri dæmi mætti taka en ég ætla að láta duga að koma með uppástungur að bættu lýðræði. Þetta er svosem ekki í neinni sérstakri röð. 
  • Tvær umferðir í kosningum þar sem í seinni umferð er kosið á milli tveggja stærstu úr fyrri umferð. Þetta kemur í veg fyrir málefnahrossakaup flokkanna við myndun ríkisstjórna, auðveldara verður að láta menn standa við gefin loforð í stað þess að geta skýlt sig á bakvið stjórnarsáttmála sem enginn fékk að kjósa um og í þokkabót eru minni líkur á að málefnið sem þú kaust einhvern flokk út á verðið kastað fyrir róðann vegna hinna fyrrnefndu málefnahrossakaupa. Fái annar flokkurinn t.d. 60% atkvæða úr seinni umferð skiptast hin 40% á milli hinna flokkanna eftir niðurstöðunum úr fyrri umferðinni.
 
  • Allar stjórnarskrárbreytingar skal fólkið fá að kjósa um. Þetta er grunnurinn að okkar samfélagi og því ætti umboð okkar til stjórnmálamanna ekki að ná yfir stjórnarskrána.
 
  • Þegar þingmaður skiptir um flokk dettur hann af þingi. Þegar kosningar fara fram er ekki hakað við nöfn frambjóðenda heldur flokksins og því á flokkurinn alltaf að halda sama fjölda þingmanna út kjörtímabilið.
 
  • Eðlilegast væri reyndar að kjósa einstaklinga frekar en flokka.
 
  • Einstaklingar sem starfað hafa á þingi lengur en t.d. eitt kjörtímabil verði útilokaðir með lögum frá safaríkum embættum eins og sendiherrastöðum, seðlabankanum, almennum bönkum (í ríkiseigu) o.þ.h. Þetta minnkar líkur á spillingu og gerir viðkomandi stofnanir hæfari, til að takast á við skildur sínar, þar sem faglega ráðinn einstaklingur stjórnar.
 
  • Skylda á alla stjórnmálaflokka til að halda opin prófkjör og þar með banna lokuð prófkjör og niðurröðun á lista. Einnig ætti að þurfa færri útstrikanir til að fella menn af lista í kosningum.
 
  • Viðveruskylda verði sett á þingmenn þar sem skriflegrar útskýringar er krafist ef viðkomandi sér ekki fært að mæta á þing.
 
  • Starfsdögum Alþingis verði fjölgað úr 120 dögum á ári upp í 200. Tveggja mánaða jólafrí og fjögurra mánaða sumafrí er auðvitað bara misnotkun á valdi.
 
  • Banna skoðanakannanir á fylgi flokka 10 síðustu dagana fyrir kosningar, og auglýsingar frá flokkunum sjálfum 5 síðustu dagana fyrir kosningar.
 
  • Gera landið að einu kjördæmi og þar með útrýma mismunandi vægi atkvæða.
 
  • Færa ýmsa málaflokka eins og forgangsröðun stórframkvæmda í vegamálum frá ráðherra til Vegagerðar ríkisins (þannig er það á hinum Norðurlöndunum). Þetta kemur í veg fyrir kjördæmapot sem hefur verið viðloðandi hvern einasta samgönguráðherra sem ég man eftir. Enn og aftur, þetta kemur í veg fyrir spillingu, og í eins veigamiklum málum og samgöngum hlýtur þeim málaflokki að vera best fyrir komið hjá fagfólki en ekki mönnum sem hugsa um það eitt að fá atkvæði í heimabyggð í næstu kosningum.
 
  • Skilgreina ábyrgðir sem þingmenn þurfa að sæta og hvenær þeir skulu bera ábyrgðir í málum. Það þyrfti að vera ráð eða nefnd skipuð af forsetanum með málsmetandi fólki innanborðs sem tæki ákvarðanir fyrir ráðamenn um hvort þeir eigi að sæta ábyrgð í tilteknum málum þar sem eitthvað hefur farið úrskeiðis. Eins og við vitum öll að þá er þetta blessaða fólk ekki fært um að sjá eigin misgjörðir og því þarf einhverja aðra til.
 

Þetta er svona það helsta sem mér dettur í hug þótt af nógu sé að taka. Vandamálið við þetta er hinsvegar að það krefðist þess að þingmennirnir sjálfir þyrftu að breyta þessu. Þeir semja sjálfir um eigin kjör (fyrir utan launaliðinn), vinnutíma og hvað svosem þeim hentar þannig að sennilega á maður fyrr eftir að sjá rollu á þingi sem staðgengil einhvers framsóknarpúkans. En svona án gríns að þá tel ég þingmenn vera of siðblint fólk til að geta tekið ákvarðanir um eigin málefni, sem þó snertir alla þjóðina en í þeirra augum er þetta fyrst og fremst skerðing  og árás á þeirra hásæti. Það gleymist of oft að þau eru til fyrir okkur en við ekki fyrir þau.


Um bloggið

Reputo

Höfundur

Reputo
Reputo
Fjölskyldufaðir með báða fætur á jörðinni. Hef óbeit á hverskyns guðatrú og er fréttafíkill
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Atheist

Innskráning

Ath. Vinsamlegast kveikið á Javascript til að hefja innskráningu.

Hafðu samband