Þar af greiddi ég 10 þús.

Ég fékk mynd af mér senda, við ábyrgðarlausan ofsaakstur, seint um kvöld á virkum degi með skygni út að sjóndeildarhring,  þar sem ég þeyttist með aldraða móður mína á 97 km/h á milli Hveragerðis og Selfoss. Þegar ég svo gékkst við þessum glæp hjá sýslumanninum á Selfossi sagði lögregluþjónninn mér að ef þeir hefðu sjálfir verið að mæla hefði ég sennilega sloppið þar sem þeir láta fólk yfirleitt í friði á undir 100 km/h.

Fyrir nokkrum árum var nefnilega farið í sértækar aðgerðir gegn ofsaakstri þar sem heimild var veitt til að gera ökutæki ökuníðinga upptæk, ásamt því sem sektir voru hækkaðar mikið. Inn í þetta frumvarp slæddist svo ákvæði þar sem ákveðið var að lækka vikmörk úr 10km/h í 5 km/h, sem þýðir að nú má sekta þig á 96 í stað 101 áður. Þetta hefur ekkert með ofsaakstur að gera og hefur pirrað mig alla tíð þar sem þetta veitir manni ekkert svigrúm til framúraksturs og það liggur við að cruise controllið ná ekki að halda sig inn þessara marka.

Maður vissi svosem vel að þetta væri bara auka skattheimta sem hefur ekkert með umferðaröryggi að gera. Það er gaman að sjá þessar upphæðir og þetta mun örugglega veita ríkisstjórninni innblástur hvað varðar aðferðir til að ná síðustu krónunum af ferðalöngum landsins.

Hálfur milljarður í sektir

Athugasemdir

[Ottó Marvin Gunnarsson, 21.6.2010 kl. 07:50]

Ég yrði hoppandi illur og brjálaður ef ég fengi mynd af mér á 97km/h !

Og það er staðreynd að í nánast hvert einasta skipti sem þú tekur frammúr, segjum t,d eins og algengast er að ég geri, frammúr bíl með eftirdragandi vagn eins og fellihýsi, sem keyrir á 75-80, ég fer yfirleitt aðeins upp fyrir hundraðið til að vera honum samhliða sem styðst.

Þetta þýðir að á keyrslu minni til Reykjavíkur frá Höfn í sumar mun ég vera brotlegur a.m.k. 8x í ferð.

Sem betur fer veit maður nú hvar þessar myndavélar eru svo maður sparkar nú aðeins niður til að sleppa alveg örugglega.

Þess má geta að ég reyni nú ávalt að halda mér á 90-95, fari hratt og ei sér neitt, fari hægt og sjái margt, eða eitthvað svoleiðis. :)

[Meinhornið, 21.6.2010 kl. 08:21]

Útsendarar litla Napóleons á Selfossi sektuðu mig um 50 þúsund krónur fyrir að vera á 99 km/klst (skv GPS) á Hellisheiðinni. Þeir lugu því að ég hefði verið á 120 km/klst. Það þýðir auðvitað ekkert að þvarga við valdstjórnina og ég endaði á að þurfa að borga þetta. Síðan þá fer ég ekki yfir 80 ef löggan er nálægt.

[Dingli, 21.6.2010 kl. 09:22]

Dellan við þessar hraðasektir er algjör. Á 95km í slæmu skygni og hálku, jafnvel illa dekkjaður og með samfelda umferð á móti ertu fyrirmyndarökumaður sem sleppur við að vera myndaður. Á bjartri sumarnótt einn á ferð með úsýni yfir hálfan hnöttinn, akandi eðalvagni sem ekki fer í yfirgír fyrr en í 105 ertu sektaður um tugi þúsunda fyrir 100-120km.

 Í mínum huga er 95km. í fyrra dæminu, glæpsamlegur hraði, en í því seinna er allt undir 120, varlega farið.

[Sigrún amma (IP-tala skráð) 21.6.2010 kl. 11:54]

Þessi nær hálfi milljarður kemur sér áreiðanlega vel í ríkiskassann, eða hvað?  Fara þessir sektarpeningar í tiltekin mál eða verkefni, í risnu lögregluembættanna, í að bæta umferðarkerfið og mannvirki, í yfirvinnugreiðslur vegna  útsendingar greiðsluseðla sekta, til að halda uppi lögreglukórnum?  Gaman væri að vita í hvað þessar milljónir  sem um er rætt, voru notaðar.

[Smurstöð (IP-tala skráð) 27.6.2010 kl. 12:12]

Ég fékk sekt fyrir að vera á 91 km. hraða á Vesturlandsvegi þar sem allir keyra á 99 km. hraða.