Vinstri akrein.

Eitt af stóru vandamálunum í umferðinni er vanþekking fólks á notkun akreina. Á háannatíma þegar umferð er mikil er nauðsynlegt að nýta allar akreinar til að flytja umferðina, en þegar umferð er ekki mikil áttu að halda þig hægra megin. Þó áttu að skipta tímanlega yfir á vinstri akrein ef þú ætlar að aka þeim megin útaf aðalbrautinni, en það þýðir samt ekki 5 km fyrr heldur nokkur hundruð metrum plús mínus eftir aðstæðum. Fátt fer meira í taugarnar á mér í dagsins önn en að sjá tvo bíla keyra hlið við hlið á sama hraða óháð því hver hraðinn er. Það er svo lítið mál fyrir þann á vinstri akreininni að auka hraðann eða hægja á og fara yfir á hægri akreinina og þar með nýta akreinarnar rétt. Ég stunda ekki hraðakstur en ég tek vel eftir umhverfi mínu og sé oft pirringinn sem byggist upp þegar fólk er fast fyrir aftan einhvern sem "dólar" sér á vinstri akrein. Málið er að þótt að þú akir á hámarkshraða eða hraðar áttu samt að halda þig á hægri akrein nema um framúrakstur sé að ræða. Þetta meðtekur landinn ílla.

Að þessu sögðu vil ég samt taka það fram að hegðunin sem ökumaður jeppans sýndi á Gullinbrúnni er með engu forsvaranleg og hlýtur að flokkast sem tilraun til manndráps. Vonandi næst í rassgatið á honum og hann látinn svara fyrir það sem hann gerði. Það sem ég er að benda á er að m.v. lýsinguna á akstri konunnar að þá gerði hún akkúrat það sem ekki á að gera þegar tvær akreinar eru til afnota. 

„Mátti engu muna að það yrði stórslys“

Athugasemdir

[Heiða (IP-tala skráð) 8.10.2012 kl. 22:56]

Alveg hjartanlega sammála!

[KIP (IP-tala skráð) 8.10.2012 kl. 23:36]

Það væri nær að senda þá blýfætur sem eru að þvælast í umferðinni á námskeið þar sem fjallað er um skilvirkni umferðar, í stað þess að hvetja þá sem ekki þurfa að stunda hraðakstur, til að stunda hann.

Það er nefnilega ekkert skárra akstursfyrirkomulag að allir séu að skipta um akreinar í sífellu, og fáránlegt að ætlast til þess að fólk haldi sig á einni akrein frekar en annari þar sem umferð er bæði mikil og hraði lítill.

Í Íslandi eru fjölmargar götur með tveimur akreinum sem bjóða ekki á nokkurn hátt upp á að þar sé stundaður "hraðbrautaakstur". Sæbrautin er ein slík gata, enda umferðarljós á henni með u.þ.b. 1000 metra millibili. Önnur slík gata er Suðurgata, en sú gata er með 50km hámarkshraða og liggur um fjölfarið göngusvæði háskólastúdenta. Almennt liggur meðalhraði bíla í umferðinni í Reykjavík á bilinu 25 til 35 km/klst. Helstu skorðurnar í umferðinni eru umferðarljós.

Á höfuðborgarsvæðinu er ein gata með tveimur akreinum sem þar sem hraðbrautar fyrirkomulag getur gengið upp. Það er Reykjanesbrautin, á milli álversins í Straumsvík og Reykjanesbæjar. Restin af götunum hér eru meira og minna smágötur, en Íslendingar halda að það séu hraðbrautir.

[Bernharð Hjaltalín, 9.10.2012 kl. 04:38]

Ofbeldi og dónaskapur í umferðinni er mikill , ég varð fyrir þeirri reinslu að fluttningabíll frá Þ;þ,Þ ætlaði að kremja mig á milli bíla.

Það er alskonar fólk í umferðinni en verstir eru stórir jeppar og pikkuppar, í þessu tilfelli þarf að auglýsa efyir bílnum kerran

er eitthvað skemd.

[Hjalti Sigurðsson (IP-tala skráð) 9.10.2012 kl. 04:53]

KIP sama hvað þér finnst um það hvort eitthverjar götur bjóði ekki uppá akstur eins og þér hentar þá eru bara lögin á Íslandi svona. Þú skalt fara eftir þeim. þú ert ekkert minni lögbrjótur hangandi á vinstri akrein og hindra eðlilegt flæði umferðar en sá sem ekur á 70 á 60 götu. Hér er engin að tala um hraðakstur eða réttlæta hann á neinn hátt. Umferðarhraði okkar er bara mismunandi mikill og þú sem "sjálfskipaður lögregluþjónn" hefur engan rétt til að hafa áhrif á þann hraða sem ég ek á hvort sem hann er undir eða yfir hámarkshraða.

[Skeggi Skaftason, 9.10.2012 kl. 10:16]

Hjalti Sigurðsson:

Þetta er einhver misskilningur þinn að það sé lögbrot að "hanga" á vinstri akrein. Lestu umferðarlögin, þau eru hér:

http://www.althingi.is/lagas/140a/1987050.html

Þar stendur t.d. þetta:

15. gr. Ökumaður, sem nálgast vegamót á akbraut með tvær eða fleiri akreinar í akstursstefnu sína, skal í tæka tíð færa ökutæki sitt á þá akrein, sem lengst er til hægri, ef hann ætlar að beygja til hægri, en á þá akrein, sem lengst er til vinstri, ef hann ætlar að beygja til vinstri. Sá, sem ætlar beint áfram, getur notað þá akrein, sem er hentugust með tilliti til annarrar umferðar og fyrirhugaðrar akstursleiðar.

[Loftur Ámundason (IP-tala skráð) 9.10.2012 kl. 17:52]

Góð hugmynd að vitna í lögin. Í 21. grein segir að ekki megi torvelda framúrakstur á neinn hátt og að þeir sem aki hægt eigi að vera sérstaklega vakandi fyrir umferð sem kemur á eftir.

21. gr. Þegar ökumaður verður þess var, að ökumaður, sem á eftir kemur, ætlar að aka fram úr vinstra megin, skal hann vera með ökutæki sitt eins langt til hægri og unnt er. Má hann ekki auka hraðann eða torvelda framúraksturinn á annan hátt.

Ef ökutæki er ekið hægt eða er fyrirferðarmikið og akbraut er mjó eða bugðótt eða umferð kemur á móti, skal ökumaður gæta sérstaklega að umferð, sem kemur á eftir. Ef það getur auðveldað framúrakstur skal hann aka til hliðar eins fljótt og unnt er, draga úr hraða og nema staðar, ef þörf krefur.