Minnisvarði um landráðamenn

Ég legg til að reistur verði minnisvarði með nöfnum þeirra þingmanna sem samþykktu þetta þegjandi og hljóðalaust. Ég segi þegjandi og hljóðalaust, því ekki hugnaðist þeim athuga dómstólaleiðina né að leyfa fólkinu sem þarf að borga þetta að hafa eitthvað um þetta að segja.

Þetta eru landráð í sinni skírustu mynd. Það skiptir engu máli þótt þessi upphæð sé aðeins 10% af heildarskuldunum, upphæðin, vextirnir og aðrir skilmálar sem settir voru einhliða af Bretum og Hollendingum vegna einstaklega óhæfrar samninganefndar okkar Íslendinga, eru algjörlega óásættanlegir.

Alþingi samþykkti Icesave

Athugasemdir

[Jón Sigurðsson (IP-tala skráð) 31.12.2009 kl. 10:55]

Er ekki nóg að reisa eina styttu af Davíð nokkrum Oddsyni? Þetta er jú allt í boði hans.

Til hamingju með gærdaginn Sjálfstæðismenn, þetta er frábær gjöf handa börnunum okkar!!

Allt í boði Flokksins.

[Gísli Bergsveinn Ívarsson, 31.12.2009 kl. 11:09]

það hefur þegar verið ákveðið að reisa minnisvarðann

[Sigurður Eðvaldsson (IP-tala skráð) 31.12.2009 kl. 11:43]

Það er rétt hjá Gísla, fyrirhugað er að reisa minnisvarða og rita í hann nöfn þeirra þingmanna sem samþykktu ábyrgðarósómann í gærkvöldi. Minnisvarðinn verður þeim þingmönnum og afkomendum þeirra til ævarandi skammar og æruleysis í það minnsta næstu öldina. Hafi menn áhuga á að láta fé að hendi rakna í þennan minnisvarða eða fræðast frekar um hann er slóðinn www.iceslave.is.

[Örn Gunnlaugsson (IP-tala skráð) 31.12.2009 kl. 12:18]

Rétt er að nöfn landráðamannanna sem samþykktu þennan hrylling verði grafin í stein ásamt ígrafinni eftirgerð ljósmynda af þeim. Þá er við hæfi að Svavar og Indriði fái að vera með í þessum hópi þar sem þeir lögðust af alefli á árarnar með þessum 33 þjóðkjörnu fulltrúum til að tryggja hagsmuni Breta og Hollendinga og hneppa íslensku þjóðina í skuldaánauð. Nú ef forseti vor staðfestir að þessar hörmungar skuli taka gildi er rétt að brjóstmynd af honum tróni á toppnum á þessum minnisvarða. Mikilvægt er að gjörðir þessa fólks gleymist ALDREI.

 Það er rangt eins og einhverjir hafa látið í veðri vaka að ríkisábyrgð þessi sé afleiðing gjörða einhverra annarra en hana samþykktu á þinginu í gærkveldi. Hún er og verður alfarið eignuð þeim sem hana samþykktu og engum öðrum.

 Þegnar þessa lands þurfa að taka sig saman í andlitinu og gera byltingu, rusla út því hyski sem hefur það eina markmið að gera Ísland að nýlendu Hollendinga og Breta. Í framhaldi þarf að fara fram þjóðaratkvæðagreiðsla um málið. Þegar staðfesting liggur fyrir um að meirihluti þjóðarinnar hafnar umræddri ríkisábyrgð á að tilkynna Bretum og Hollendingum að umrædd ríkisábyrgð hafi verið afturkölluð þar sem sá þingmeirihluti sem hana samþykkti hafi gert það umboðslaus. Um leið sækir þjóðin um tvöfaldan breskan og hollenskan ríkisborgararétt  fyrir þá sem prýða umræddan minnisvarða.

[Guðmundur 2. Gunnarsson (IP-tala skráð) 31.12.2009 kl. 20:38]

Við megum ekki gleyma hugleysingjanum af Suðurnesjunum Atla Gíslasyni búslóðarflutningsmanns og skattaskýrsluútfyllanda. 

Nú þurfa menn ekki að vera sér menntaðir í lagafræðum til að skilja ágætlega hvað hegningarlög segja, og hversu víða menn hafa dansað línudans hvað stjórnarskrá varðar.  Td. atriði eins og bregðast skildum hvað samningsgerð varðar og undanskot gagna eins og þeir Steingrímur J. og Össur gerðust sekir um, og breytir engu hvort um brotavilja eða gáleysi er um að ræða.  Sem á við flest ef ekki öll önnur möguleg brot.  Afsakaðu hversu langt þetta verður, en ar sem þetta er lífleg síða er örugglega gagnlegt fyrir marga að hugleiða í hverskonar ógöngur ráðamenn núverandi og fyrrverandi eru búnir að koma sér út í með ömurlegri og fullkomlega óásættanlegri framgöngu sinni í Icesave málinu.

X. kafli. Landráð.

86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.
87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.
88. gr. [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta …1) fangelsi allt að 6 árum. Ef brot þykir mjög smávægilegt, má beita sektarhegningu.]2)
1)L. 82/1998, 21. gr. 2)L. 47/1941, 1. gr.
89. gr. Beri íslenskur ríkisborgari í ófriði vopn gegn íslenska ríkinu eða bandamönnum þess, þá varðar það fangelsi ekki skemur en 2 ár.
Sömu refsingu skal hver sá sæta, sem í ófriði, eða þegar ófriður vofir yfir, veitir fjandmönnum íslenska ríkisins liðsinni í orði eða verki eða veikir viðnámsþrótt íslenska ríkisins eða bandamanna þess.
90. gr. Rjúfi maður, meðan á ófriði stendur eða þegar hann vofir yfir, samning eða skuldbindingu, sem varðar ráðstafanir, sem íslenska ríkið hefur gert vegna ófriðar eða ófriðarhættu, þá skal hann sæta …1) fangelsi allt að 3 árum.
Hafi manni orðið slíkt á af stórfelldu gáleysi, skal honum refsað með sektum eða [fangelsi allt að 1 ári].1)
1)L. 82/1998, 22. gr.
91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …1) fangelsi allt að 3 árum, eða sektum, ef sérstakar málsbætur eru fyrir hendi.
1)L. 82/1998, 23. gr.
92. gr. Hver, sem af ásetningi eða gáleysi kunngerir, lýsir eða skýrir óviðkomandi mönnum frá leynilegum hervarnarráðstöfunum, er íslenska ríkið hefur gert, skal sæta …1) fangelsi allt að 10 árum, eða sektum, ef brot er lítilræði eitt.
Sömu refsingu skal hver sá sæta, sem af ásetningi eða gáleysi stofnar hlutleysisstöðu íslenska ríkisins í hættu, aðstoðar erlent ríki við skerðingu á hlutleysi þess, eða brýtur bann, sem ríkið hefur sett til verndar hlutleysi sínu.
1)L. 82/1998, 24. gr.
93. gr. Stuðli maður að því, að njósnir fyrir erlent ríki eða erlenda stjórnmálaflokka beinist að einhverju innan íslenska ríkisins eða geti beint eða óbeint farið þar fram, þá varðar það …1) fangelsi allt að 5 árum.
1)L. 82/1998, 25. gr.
94. gr. Ef verknaði, sem refsing er lögð við í XXIII., XXIV. eða XXV. kafla laga þessara, er beint að þjóðhöfðingja erlends ríkis eða sendimönnum þess hér á landi, má auka refsingu þá, sem við brotinu liggur, þannig að bætt sé við hana allt að helmingi hennar.
95. gr. [Hver, sem opinberlega smánar erlenda þjóð eða erlent ríki, æðsta ráðamann, þjóðhöfðingja þess, fána þess eða annað viðurkennt þjóðarmerki, fána Sameinuðu þjóðanna eða fána Evrópuráðs, skal sæta sektum [eða fangelsi allt að 2 árum. Nú eru sakir miklar og varðar brot þá fangelsi allt að 6 árum.]1)]2)
[Sömu refsingu skal hver sá sæta, sem smánar opinberlega eða hefur annars í frammi skammaryrði, aðrar móðganir í orðum eða athöfnum, eða ærumeiðandi aðdróttanir við aðra starfsmenn erlends ríkis, sem staddir eru hér á landi.]3)
[Sömu refsingu skal hver sá sæta sem ógnar eða beitir valdi gagnvart sendierindreka erlends ríkis hér á landi eða ræðst inn á eða veldur skemmdum á sendiráðssvæði eða hótar slíku.]4)
1)L. 82/1998, 26. gr. 2)L. 101/1976, 10. gr. 3)L. 47/1941, 2. gr. 4)L. 56/2002, 1. gr.
96. gr. …1)
1)L. 82/1998, 27. gr.
97. gr. Mál út af brotum, sem í þessum kafla getur, skal því aðeins höfða, að dómsmálaráðherra hafi lagt svo fyrir, og sæta þau öll [meðferð sakamála].1)
1)L. 88/2008, 234. gr.

Gleðilegt nýtt ár.  (O:

[Reputo, 1.1.2010 kl. 09:48]

Þakka ykkur fyrir innleggin. Mér sýnist ráðamenn okkar vera brotlegir við nokkrar greinar þessara laga. Liggur ekki beinast við að ákæra nú þegar brotin hafa verið framin?

Ég vill að minnisvarðinn verði reistur á Austurvelli þar sem nöfn þessara hyskja verða meitluð í stein að eilífu, og að alþingismenn framtíðar sjái þetta út um kaffistofuna sína sem áminningu um að þeir eru í tímabundinni vinnu fyrir íslensku þjóðina og eigi að bera hagsmuni hennar ofar öllu. Það hlítur að þykja eðlilegur hlutur að starfsmenn geri eins og vinnuveitandinn óskar.

Nú er bara Ólafur Ragnar eftir. Mikið ofboðslega kæmi það mér á óvart ef hann neitaði að samþykkja þetta og ætti það með stóran þátt í að sprengja fyrstu vinstri stjórnina í landinu í tvo áratugi. Þetta eru allt gamlir vinir og samherjar hans. Annars er Ólafur mikill tækifærissinni og ef hann sér eitthvað sem hann gæti persónulega haft hag af í þessu að þá er smá sjens.