Rugludallar

Þetta er allt sama hyskið þarna niðurfrá. Græðandi peninga á sjúkum og heimskum. Ef við gefum okkur það að djöfullinn sé til, að þá væri hann með höfuðstöðvar í Vatikaninu þar sem sukkið og spillingin er mest.

Segir djöfulinn hafa hreiðrað um sig í Páfagarði

Allt á misskilningi byggt

Nei... sko.. þetta er allt saman misskilningur. Risaeðlurnar voru uppi fyrir 6000 árum og dóu út í Nóaflóðinu. Guð setti líka fullt af risaeðlubeinagrindum í setlögin til að láta reyna á trú mannskepnunnar. Ég hélt að allir vissu þetta. Efnafræði, jarðfræði, líffræði, stjörnufræði og þessháttar rökhyggja eru að afvegaleiða okkur frá þeim sannleika sem mannkynið hefur búið við frá bronsöld. Þetta segir sig alltsaman sjálft, ef við vitum ekki nákvæmlega hvernig risaeðlurnar dóu út að þá hlítur guð að hafa gert það, eða voruð þið á staðnum til að verða vitni að einhverju öðru?

Stór loftsteinn olli víst aldauða risaeðlanna

Völvan smölvan

Þegar allt geysar í óeyrðum í landinu vegna sitjandi stjórnar, þarf þá mikla spádómsgáfu til að spá stjórnarslitum eða öðru því sem fram kemur í fréttinni? Nei ég bara spyr. Til að fá mig til að trúa þarf í það minnsta að spá einhverju sem ekki er í farvatninu.

Kona kemur fram með róttækar hugmyndir..... hvaða hugmyndir? hvaða kona? hvenær? hvers eðlis? Það eru alltaf að koma upp róttækar hugmyndir hjá báðum kynjum... þetta getur ekki annað en ræst

Spennandi tímar og miklar þjóðfélagsbreytingar...... ha.. það er sama hvað gerist að þá reynist hún sannspá með þetta.

Davíð Oddsson muni skríða út úr púbu sinni og koma á óvart með yfirlýsingum sínum í febrúar...... við skulum sjá til og þetta þarf þá að vera einhver opinber yfirlýsing en ekki eitthvað óundirbúið blaðaviðtal þar sem menn láta stundum hugann reika.

....snjóflóð falli fyrir vestan og annað fyrir norðan..... úff þetta getur ekki klikkað og rætist sennilega strax á nýjársdag og það mörgum sinnum.

Ég hef svosem ekki lesið völvuna fyrir næsta ár, en ég ætla rétt að vona að úrdrátturinn sem var í fréttinni sé ekki rjóminn af spádómunum. Annars er þetta svosem ekkert öðruvísi en aðrar spákéllingar, miðlar eða þessháttar hyski. Þetta er alltaf á svo víðum grundvelli að hlutirnir geta ekki annað en ræst.

Völvan spáir spennandi tímum

Kirkjusókn

Þegar kirkjusókn er talin hér á landi eru allir taldir. Presturinn, kórinn, annað starfsfólk, börn og foreldrar í barnastarfinu, ferðamenn sem heimsækja kirkjuna auk þeirra sem sækja guðsþjónustur, sem eru í raun þeir einu sem ættu að vera taldir. Þetta er auðvitað gert til að hífa tölurnar upp, enda er þetta deyjandi atvinnugrein, þ.e. kirkjubissnessinn, og því allt gert til að láta hlutina líta betur út en þeir gera.

50 guðsþjónustur í Reykjavík

Lestu biblíuna

Það getur bara ekki verið að séra Hjálmar hafi lesið biblíuna. Þvílíkan viðbjóð á prenti hef ég ekki séð annarsstaðar. En það er nú þannig með þessa blessuðu bók að maður getur lesið hvað sem er úr henni enda eru til um 38.000 afbrigði af kristinni trú og allir telja sig vera með einu réttu túlkunina. Nei, bronsaldarsiðferði biblíunnar er eitthvað sem á ekki heima hjá siðmenntuðu fólki.

Það besta fái að ráða

Aumingi

Ekki er vitað hvað konunni gekk til með því að berja páfa.

Var hún ekki bara að svara bænum þúsunda ef ekki milljóna manna. Hvern langar ekki til að berja barnaníðingsverndara. Hvernig stendur annars á því að hópur fullorðinna karlmanna getur ekki yfirbugað eina konu?

Kona barði páfa

Gott að þetta voru stofnanir en ekki heimili.

Mikið er ég nú feginn ef siðferðisvitund glæpamanna er að batna, eins og fréttin gefur í skyn, þannig að þeir hætti helst að brjótast inn á heimili fólks og ráðist frekar gegn óþarfa ríkisreknum stofnunum sem eru nánast á óskertum fjárlögum í þessari niðurskurðartíð.

Brotist inn í tvær kirkjur

Mynd frá Baggalúti??

Þessi mynd af greyið biskupnum lítur út eins og hún hafi verið fengin að láni hjá Baggalúti. Hann er eitthvað svo vesaldarlegur þarna með Ku Klux Klan hattinn sinn, hirðingjastaf og íklæddur mussu í kvenmannslitum, sennilega slettandi vatni í allar áttir. Hvaðan ætli þessi trúða múndering komi? Ekki úr biflíunni, svo mikið er víst.

Vígði kapellu og klaustur

Hin dulda útrás kirkjunnar

... og þá byrjar útrás kirkjunnar. Það gerist einmitt helst þegar þjóðin býr við kröpp kjör og auðveldara er að narra fólk í vitleysuna með loforðum sem rætast ekki fyrr en þú drepst. Ekki þekki ég nú uppruna þakkargjörðarhátíðarinnar, en eins og menn vita að þá eignuðu kristnir menn sér vetrarsólhvarfahátíðina sem nú kallast jól.

Séra Jón segir að við eigum að þakka fyrir og hugleiða hvernig við umgöngumst gjafir guðs. Ég sé þessi orð hans sem móðgun við vitsmuni almennings, að ætla einhverju ímynduðu fyrirbæri það sem við eigum, þegar búið er að marg sýna fram á þá náttúrulegu ferla sem áttu og eiga sér stað og hafa orsakað allt sem náttúran hefur upp á að bjóða.

Aðskilnað ríkis og kirkju STRAX, og látum þá sem upp á þetta vilja púkka borga það beint úr eigin vasa, án milligöngu ríkisins. Bönnum skráningu ungabarna í trúarsöfnuði, þetta er ákvörðun sem fólk getur tekið sjálft þegar það nær 18 ára aldri.

Vill taka upp þakkargjörðardag

Góður bílstjóri

Mér skilst að amfetamín sé ekki vímugjafi sem slíkur heldi örvandi efni. Amfetamín var ekki bannað hér á landi fyrr en 1978 og hefur svipuð áhrif og (mikil) koffín neysla. Þannig að í versta falli hefði manngreyið verið vel vakandi og öll skynfæri í 5. gír, og þar með sennilega betur til þess fallinn að keyra en flestir aðrir. Hinsvegar er örugglega hægt að misnota þetta efni eins og hvert annað.

Sýknaður vegna óafvitandi drykkju amfetamíns