Tillaga að lausn Icesave.

Ég tel að við eigum að bjóða Rússa velkomna hingað. Leyfa þeim að byggja nokkur kafbátalægi, nokkrar herstöðvar og ratsjárstöðvar gegn því að þeir sjái um allar þær skuldir sem óreiðumennirnir (stjórnmálamenn og útrásavíkingar) skildu eftir sig. Fyrir það fyrsta að þá hafa Rússar alltaf reynst okkur vel og því yrði ég ekkert smeykur við veru þeirra hérna. Í öðru lagi að þá yrðu öðrum Evrópuþjóðum og Ameríkuhreppi svo mikið um að ég tel fullvíst að þessum skuldum yrði sópað undir borð hið snarasta og við sennilega beðin afsökunar á þessu veseni öllu í kringum Iceslave. En til að púlla eitthvað svona þarf hugaða pólitíkusa........ eini sem mér dettur í hug væri Davíð Oddson, burt séð frá því hvaða skoðanir menn svosem hafa á honum.

Ekkert við frestinum að gera

Minnisvarði um landráðamenn

Ég legg til að reistur verði minnisvarði með nöfnum þeirra þingmanna sem samþykktu þetta þegjandi og hljóðalaust. Ég segi þegjandi og hljóðalaust, því ekki hugnaðist þeim athuga dómstólaleiðina né að leyfa fólkinu sem þarf að borga þetta að hafa eitthvað um þetta að segja.

Þetta eru landráð í sinni skírustu mynd. Það skiptir engu máli þótt þessi upphæð sé aðeins 10% af heildarskuldunum, upphæðin, vextirnir og aðrir skilmálar sem settir voru einhliða af Bretum og Hollendingum vegna einstaklega óhæfrar samninganefndar okkar Íslendinga, eru algjörlega óásættanlegir.

Alþingi samþykkti Icesave

Völvan smölvan

Þegar allt geysar í óeyrðum í landinu vegna sitjandi stjórnar, þarf þá mikla spádómsgáfu til að spá stjórnarslitum eða öðru því sem fram kemur í fréttinni? Nei ég bara spyr. Til að fá mig til að trúa þarf í það minnsta að spá einhverju sem ekki er í farvatninu.

Kona kemur fram með róttækar hugmyndir..... hvaða hugmyndir? hvaða kona? hvenær? hvers eðlis? Það eru alltaf að koma upp róttækar hugmyndir hjá báðum kynjum... þetta getur ekki annað en ræst

Spennandi tímar og miklar þjóðfélagsbreytingar...... ha.. það er sama hvað gerist að þá reynist hún sannspá með þetta.

Davíð Oddsson muni skríða út úr púbu sinni og koma á óvart með yfirlýsingum sínum í febrúar...... við skulum sjá til og þetta þarf þá að vera einhver opinber yfirlýsing en ekki eitthvað óundirbúið blaðaviðtal þar sem menn láta stundum hugann reika.

....snjóflóð falli fyrir vestan og annað fyrir norðan..... úff þetta getur ekki klikkað og rætist sennilega strax á nýjársdag og það mörgum sinnum.

Ég hef svosem ekki lesið völvuna fyrir næsta ár, en ég ætla rétt að vona að úrdrátturinn sem var í fréttinni sé ekki rjóminn af spádómunum. Annars er þetta svosem ekkert öðruvísi en aðrar spákéllingar, miðlar eða þessháttar hyski. Þetta er alltaf á svo víðum grundvelli að hlutirnir geta ekki annað en ræst.

Völvan spáir spennandi tímum

Hvar eru verðin?

Ég hef verið að leita að verðum á flugeldum á netinu og ekkert fundið. (kannski klaufaskapur í mér)Þar sem álagning á flugelda jafnast sennilega á við álgningu á áfengi, þ.e. keypt inn á 150 kr. og selt á 5000 kr. að þá finnst mér það lágmarksþjónusta að verð og innihaldslýsingar pakka séu aðgengilegar á netinu. Þetta á jafnt við björgunarsveitirnar sem aðra söluaðila.

Sprenging varð í flugeldaverði

Kirkjusókn

Þegar kirkjusókn er talin hér á landi eru allir taldir. Presturinn, kórinn, annað starfsfólk, börn og foreldrar í barnastarfinu, ferðamenn sem heimsækja kirkjuna auk þeirra sem sækja guðsþjónustur, sem eru í raun þeir einu sem ættu að vera taldir. Þetta er auðvitað gert til að hífa tölurnar upp, enda er þetta deyjandi atvinnugrein, þ.e. kirkjubissnessinn, og því allt gert til að láta hlutina líta betur út en þeir gera.

50 guðsþjónustur í Reykjavík

Lestu biblíuna

Það getur bara ekki verið að séra Hjálmar hafi lesið biblíuna. Þvílíkan viðbjóð á prenti hef ég ekki séð annarsstaðar. En það er nú þannig með þessa blessuðu bók að maður getur lesið hvað sem er úr henni enda eru til um 38.000 afbrigði af kristinni trú og allir telja sig vera með einu réttu túlkunina. Nei, bronsaldarsiðferði biblíunnar er eitthvað sem á ekki heima hjá siðmenntuðu fólki.

Það besta fái að ráða

Aumingi

Ekki er vitað hvað konunni gekk til með því að berja páfa.

Var hún ekki bara að svara bænum þúsunda ef ekki milljóna manna. Hvern langar ekki til að berja barnaníðingsverndara. Hvernig stendur annars á því að hópur fullorðinna karlmanna getur ekki yfirbugað eina konu?

Kona barði páfa

Gott að þetta voru stofnanir en ekki heimili.

Mikið er ég nú feginn ef siðferðisvitund glæpamanna er að batna, eins og fréttin gefur í skyn, þannig að þeir hætti helst að brjótast inn á heimili fólks og ráðist frekar gegn óþarfa ríkisreknum stofnunum sem eru nánast á óskertum fjárlögum í þessari niðurskurðartíð.

Brotist inn í tvær kirkjur

Mynd frá Baggalúti??

Þessi mynd af greyið biskupnum lítur út eins og hún hafi verið fengin að láni hjá Baggalúti. Hann er eitthvað svo vesaldarlegur þarna með Ku Klux Klan hattinn sinn, hirðingjastaf og íklæddur mussu í kvenmannslitum, sennilega slettandi vatni í allar áttir. Hvaðan ætli þessi trúða múndering komi? Ekki úr biflíunni, svo mikið er víst.

Vígði kapellu og klaustur

smáís

Auðvitað hafa framleiðendur Fangavaktarinnar samúð mín þótt það rýri trúverðugleika fréttarinnar að blanda smáís inn í þetta. Smáís menn njóta engrar virðingar vegna þess að þeir berjast gegn almenningi með óréttlæti, yfirgangi og lygum hvar sem þeir geta. Ég hef t.d. sennilega keypt yfir 1000 tóma geisladiska til gagnageymslu í gegnum tíðina og alltaf þurft að borga til þeirra í leiðinni. Ef mig langar að uppfæra vínilplötusafnið og kaupa cd í staðinn að þá þarf ég að borga aftur til smáís þótt ég eigi efnið fyrir og er aðeins að breyta um geymsluform, og svona mætti áfram telja.

Svo kasta þeir fram einhverjum gögnum sem sýna minnkandi sölu geisladiska en "gleyma" að nefna þann fjölda sem selst í gegnum netið á t.d. itunes og tónlist.is, sennilega vegna þess að í heildina selst meira nú en áður.

Fangavaktinni stolið